«Двипатара» фольклор коллективы

Индонезия тарихы быуаттар буйына бойондороҡһоҙлоҡ өсөн көрәш ул. Шуға күрә йыр-моңдар, бейеүҙәр ҙә ошо юҫыҡта барлыҡҡа килгән. Шулай уҡ Индонезия сәнғәтенә дини ырымдар юғары йоғонто яһай. Ява һәм Бали утрауҙарының бейеү коллективтары сығыштары индус мифологияһына барып тоташа.

Туристарға был илдә урындағы фестивалдәрҙе ҡарарға тәҡдим итәләр, ә улар, үҙ сиратында, ай һайын төрлө урындарҙа үтә. Бали утрауындағы Галунган, Явалағы Рамяна балеты, Боробудурҙа Весак фестивале, Ларантукала Пасха парады иң ҙурҙарҙан һанала.

Күп ҡырлы һәм үҙенсәлекле Индонезия мәҙәниәтен фольклориадала «Двипатара» коллективы күрһәтәсәк.