CIOFF VI Бөтә донъя фольклориадаһын әҙерләү һәм үткәреү буйынса федераль ойоштороу комитеты ултырышы үтте
25.05.2021
24 майҙа видеоконференция режимында РФ Хөкүмәте рәйесе урынбаҫары Татьяна
Голикова 2021 йылдың 3 июленән 10 июленә тиклем Башҡортостанда үтәсәк Бөтә донъя
фольклориадаһына әҙерлек буйынса ойоштороу комитеты ултырышын үткәрҙе. Был
кәңәшмәлә статс-секретарь — Рәсәй мәҙәниәт министры урынбаҫары Алла Манилова,
Роспотребнадзор етәксеһе Анна Попова, Башҡортостан Башлығы Радий Хәбиров,
Башҡортостан Хөкүмәте Премьер-министры урынбаҫары Азат Бадранов, республиканың
мәҙәниәт министры Әминә Шафиҡова һәм башҡалар ҡатнашты.
Осрашыу барышында улар ойоштороу мәсьәләләрен ҡараны һәм сараны әҙерләү
планын раҫланы. Коронавирус инфекцияһы таралыуға юл ҡуймау — төп һорауҙарҙың
береһе булды. Башҡортостан Башлығы республика фольклориаданы үткәреү буйынса төп
әҙерлек һыҙығына яҡынлашты тип билдәләне.