VI Бөтә донъя фольклориадаһы хәҙер мобиль гид эсендә лә бар

VI Бөтә донъя фольклориадаһы хәҙер мобиль гид эсендә. VI Бөтә донъя фольклориадаһы тураһында бөтә көнүҙәк мәғлүмәтте махсус мобиль гид ярҙамында табырға мөмкин — https://folkloriada.online Был ҡушымтала саралар расписаниеһы, концерттар үтәсәк майҙансыҡтар ҡайҙа эшләүе, баш ҡала ҡунаҡтары ҡарай алырлыҡ иҫтәлекле урындар һәм халыҡ-ара күләмле форумдың иң яңы яңылыҡтары менән танышырға була. Ҡулланыусыларға уңайлы булһын өсөн был ҡушымта һәр мобиль ҡоролма өсөн ҡулайлаштырылған, ошо һылтанма буйынса инеп, QR-кодты сканерларға ғына кәрәк.