Байрам саралары барышында Өфөлә бер нисә юлда транспорт хәрәкәте туҡтатыла

Бөтә донъя фольклориадаһын уҙғарыу барышында 4 июлдә 13-тән 24 сәғәткә тиклем йәмәғәт транспорт маршруттары схемаһы. Юл хәрәкәтендә ҡатнашыусыларҙың хәүефһеҙлеген тәьмин итеү маҡсатында, фольклориадаға арналған саралар мәлендә бер нисә урамда транспорт хәрәкәте туҡтатыла.

3 июлдә 24 сәғәттән 4 июлгә 20 сәғәткә тиклем: Театр урамында Пушкин урамынан Зәки Вәлиди урманы тиклемге участкала;

4 июлдә 13-тән 24 сәғәткә тиклем: Зәки Вәлиди урамында Совет урамынан Ғафури урамына тиклемге участкала; Генерал-губернатор Перовский урамында; Яр буйы урамында (Сочи урамына тиклем).

5-нән 9 июлгә тиклем 15-тән 24 сәғәткәсә: Зәки Вәлиди урамында Аксаков урамынан Ғафури урамына тиклем; Генерал-губернатор Перовский урамында; Яр буйы урамында (Сочи урамына хәтлем).

10 июлдән 14-тән 24 сәғәткәсә: Зәки Вәлиди урамында Аксаков урамынан Ғафури урамына тиклем; Генерал-губернатор Перовский урамында; Яр буйы урамында (Сочи урамына хәтлем).

Шулай уҡ 11 июлдә «Торатау» Конгресс-холы алдында машиналар туҡталҡаһы ябыҡ була.