37 илдән 1 меңдән ашыу ҡатнашыусы, 28 майҙансыҡ, 300 меңдән күберәк тамашасы, өс фан-зона. Был Өфөлә үткән Бөтә донья фольклориадаһы һөҙөмтәләренең бер өлөшө генә.
Мәҙәниәт министры Әминә Шафиҡова һүҙҙәренсә, донья кимәлендәге сараны ойоштороуҙа республикала 3 мең ярымдан ашыу кеше ҡатнашҡан. Телевизион трансляциялар һәм интернет ресурстар ярҙамында тамашасылар географияһы ла киңәйгән. Артистар республика юлдары буйлап, дөйөм алғанда, 10 мең километрҙан ашыу юл үткән. Милли аш-һыуҙар ҙа төрлө булған.
19 июлдә Башҡортостан милли музейында фестиваль йомғаҡтарына арналған күргәҙмә асыла.