Өфөлә халыҡ-ара фестивалде ябыу тантанаһында CIOFF® Президенты Филипп Боссан сығыш яһаны. Ул Фольклориаданы юғары кимәлдә ойошторғандары өсөн рәхмәт белдерҙе.
Бөтә донъя Фольклориадаһында 37 илдән коллективтар ҡатнашты. 8 көн дауамында республиканың 22 район һәм ҡалаһында 28 концерт майҙансығында 61 тамаша ойошторолдо. Ҡаҙағстандан Гөлмирә Рашева тәьҫораттары менән уртаҡлаша.
Бөтә донъя Фольклориадаһы барышында Ваҡыт капсулаһы булдырылды. Унда рәсми делегаттарҙың иҫтәлекле әйберҙәре һәм мөрәжәғәте һалынды. Тормош ағасыһына һалынған Ваҡыт капсулаһы 10 йылдан асыла.